ARALARREN NAFARROA BAIREN ALDEKO KONPROMISOA TINKO DIRAU

BATASUNAREN PROPOSAMENAK EZ DU ALDATU ARALARREK DITUEN ETA GIZARTEAREN AURREAN PLAZARATU DITUEN ERRONKA ETA HELBURU POLITIKOAK.

Aralarrek, Nafarroako egoera politikoa dela eta, nafar gizartearen aurrean hainbat erronka eta helburukin konpromisoa hartu zuen, eta Batasunaren proposamenak ez du Aralarren konpromisoa aldatuko.
Erronka horien artean Nafarroak aldaketa politikorako duen beharrari erantzutea dago. Horretarako UPN eta eskuinarekin leiatuko gara, 15 urte baino gehiagoz boterean dagoen esKuina Gobernutik kentzeko eta, bide batez aurrera eraman ahal izateko polítiKa sozialak, ezkertiarrak eta demokratikoak. Beti ere aniztasunaren onarpenetik abiatuta eta gure eskubideak errekonozituz eta sustatuz nahiz GIZARTEAK hain beharrezkotzat jotzen duen BAKEA eta NORMALIZAZIO POLITIKOAREKIN konpromisoa berretsiz.

HELBURU HAUEK LORTZEKO ARALAREK HAINBAT HITZARMEN SINATU DITU GAUR NAFARROA BAI OSATZEN DUGUN ALDERDI ZEIN PERTSONA INDEPENDENTEEKIN.
Hortaz, Aralarrek gizartearekin zein Alderdi eta independente horiekin konpromiso bat dugu eta ARALARREK BETEKO DITU DATOZEN HAUTESKUNDEEI BEGIRA GIZARTEAREN AURREAN, NAFARROA BAIKO PROIEKTUAREN ALDE HARTU DITUEN KONPROMISOAK BETEKO DITU. Era berean, ARALARREK BETEKO DITU EA, EAJ ETA INDEPENDENTEEKIN SINATU DITUEN ITUNAK 2011KO HAUTESKUNDEETAN NAFARROA BAI PRESENT EGON DADIN.

DATOZEN HAUTESKUNDEEI BEGIRA, ARALARREK LEHENETSI EGINGO DU NAFARROAN ALDAKETAREN ALDE DUEN APUSTUA.
Aldaketa posiblea dela uste dugu. Herritarrek ala uste eta hala nahi dute, azkeneko Navarrometroaren arabera. Herritarren gehiengoak adierazi duen nahiarimen eginez, , GEURE ESKUETAN DAGOEN GUZTIA EGINEN DUGU ALDAKETA POLITIKOA GAUZATZEKO, hori baita geure LEHENDABIZIKO BETEBEHARRA.

ARALARREK MODU POSITIBOAN HARTU DU BATASUNAK HELARAZI DUEN PROPOSAMENA. Aralarrek nahiko luke proposamen hori elkargune iraunkor batean topatzeko borondatearekin egin izana. Era berean espero dugu nahitaezkoa den den errealismotik abiatzea proposamena eta, beraz, onartzea NAFARROAN NAFARROA BAI dela ALDAKETA POLITIKORAKO LIDERGOA DUEN ERAGILE POLITIKOA.

Zentzu honetan, eta BATASUNARI ERANTZUN ESPLIZITUA EMANEZ BERRETSI BEHAR DUGU NAFARROA BAI PROIEKTU IREKIA DELA BERTAN PARTE HARTU NAHI DUEN ETA NAFARROAN ALDAKETA POLITIKOAREN ALDE LAN EGIN NAHI DUEN ORORENTZAT.
Koalizioan indar polítiko berriak sartzeko ezin da eskatu EXIJENTZIA EXTRARIK edo TRATAMENDU BEREZIRIK
NAFARROA BAIREN PARTE IZATEKO BETEKIZUN BAKARRA GAUR EGUN KOALIZIOAREN PARTE GARENOK JADA ONARTU DUGUNA ONARTZEA DA, ALEGIA NA-BAIKO OINARRI POLITIKOAK, OINARRI PROGRAMATIKOAK ETA ANTOLAKUNTZA OINARRIAK.
ARALAR PREST DAGO ELKARLANA BATASUNAREKIN EGITEN AHALEGINTZAKO ETA BAITA BATASUNAK NABAIREKIN EGIN DEZAKEEN HURBILKETA AREAGOTZEKO

Horretarako beharrezkoak diren baldintzak sortuko dira bakegintzan eta normalizazio politikoan aurrera pausuak eman ahala eta elkarlanerako guztiengandik ezinbestekoa den zintzotasuna ematen den heinean.

Bestalde, EAk erran du proposatuko duela Uxue Barkos izan dadin Nafarroa Baiko zerrendaburua Foru Parlamenturako. Hortaz, esan beharra dago 2011ko Nafarroa Bai koalizioak dituen hitzarmenean argi esaten dela Parlamenturako zerrendaburua Aralarri dagokiola eta Iruñeko Udalekoa, berriz EAri. Horrela izan zen 2007an eta horrela sinatu dugu Aralarrek EAk eta EAJk 2011rako. Beraz, EAk hori aldatu nahi badu, 2011reko Nafarroa Bai Koaliziorako ITUNA APURTZEN ARI DA ETA BERAK SINATUTAKO HITZARMENAREN AURKA JOATEN ARI DA. Aralarrek sinatutakoa beteko, eta espero dugu besteek ere betetzea. Bestalde, proposamen honen arira bi burutazio sortzen dira: ¿Uxue Barkos izanen da EAren hautagaia eta, beraz, EAk Batasunarekin osatzen duten Polo Soberanistaren hautagaia? edo, bestela ¿EAk egin duen proposamen horren bitartez nahi al du Nafarroa Bairen barruan behar ez den liskar bat sortzea, EAk berak sinatu dituen itunak apurtuz?

(argazkia: europapress)